Мајкл Џордан

Прекар(и)	Воздушниот Џордан
Позиција	бек, крило
Висина	1,98 м
Тежина	98 кг
Број	23, 45, 12
Роден	17 февруари 1963 Бруклин, Њујорк
Националност	САД
Колеџ	Северна Каролина (1981–1984)
Драфт	1984 / Рунда: 1 / Пик: 3-ти overall
Избран од Чикаго Булс
Проф. кариера	1984–2003
Кариера
1984–1993	Чикаго Булс
1995–1998	Чикаго Булс
2001–2003	Вашингтон Визардс
Инфо од: 29.11.2016.

Мајкл Џефри Џордан (англиски: Michael Jeffrey Jordan) (роден 17 февруари 1963) - поранешен американски НБА кошаркар, активен бизнисмен, и моментален сопственик на НБА клубот Шарлот Хорнетс. Сметан е за еден од најдобрите кошаркари на сите времиња.

Мајкл Џордан поминал 15 сезони во НБА лигата со 30,12 поени по натпревар во регуларниот дел од сезоната (најмногу во НБА). Освоил шест НБА шампионати со Чикаго Булс, бил 10 пати најдобар стрелец и пет пати избран за најкорисен играч во лигата. Девет пати бил избран во првата одбранбена петорка, а три пати бил најдобар по бројот на украдените топки. Од 1983 рекордни 49 пати се појавил на насловнота страница на списаниет Спортс илустрејтед, а во 1991 бил прогласен за спортист на годината во изборот на ова списание.^[1] Во 1999 година е прогласен за „најдобар северноамерикански спортист во 20-тиот век“ по изборот на спортскиот канал ЕСПН. Неговиот силен одраз и забивањата од линијата за слободни фрлања му ги донеле прекарите „Воздушниот Џордан“ и „Воздушното височество“.

Биографија |

Во февруари 2015 година, Џордан за првпат се нашол на списокот на „Форбс“ на најбогатите луѓе во светот. Имено, тој бил како 1741. најбогат човек на светот во 2014 година, со проценето богатство од над милијарда долари. Неговото богатство произлегува од неколку негови инвестиции: тој е сопственик на кошаркарскиот клуб „Шарлот“, а има договори со „Најк“, „Хенес“, „Геторејд“ итн. Во 2010 година, Џордан купил 80% од акциите на „Шарлот“ за 275 милиони долари.^[2]

Професионална кариера |

Џордан пред забивање.

Во 1984 година, Џордан бил драфтуван од Чикаго Булс како трет пик во првата рунда на НБА Драфтот 1984. Тој бргу се вклопил во тимот, и се наметнал како ѕвезда во лигата, импресионирајќи ја публиката со своите поени, и забивања од линијата за слободни фрлања. Со учеството во натпреварот во забивања, Џордан го добил прекарот „Воздушен Џордан“ (англиски: Air Jordan). Тој, исто така, важи за еден од најдобрите одбранбени играчи во кошарката. Во 1991 година, Џордан ја освоил првата шампионска титула во НБА со тимот на „Чикаго“, по што во следните две сезони освоил уште две титули. Потоа, тој привремено ја напуштил кошарката во период од две години, за следните три сезони (1996, 1997, 1998) пак да го освои шампионскиот прстен со Чикаго Булс.

Иако најавил повлекување од кошарката по вторпат во 1998 година, во септември 2001 се вратил на паркетот повторно на возраст од 38 години овојпат во дресот на Вашингтон Визардс, во кој година претходно бил приклучен како претседател на кошаркарските операции во клубот. Сепак, годините и многуте повреди со кој се соочувал не му дозволиле да остави силен печат и во овој клуб како што го сторил претходно тоа во Чикаго. Во двете сезони поминати во Визардс имал просек од 22,9 и 20 поени по натпревар. Својот последен натпревар во НБА го одиграл на 16 април 2003 против Филаделфија Севентисиксерс, по што се пензионирал.

Според многумина, Мајкл Џордан е најдобриот НБА играч на сите времиња, за што говорат шесте шампионски прстени, неговите пет награди за најкорисен играч на сезоната (MVP), шест награди за најкорисен играч во финалето на НБА, 10 шампионски титули за најдобар стрелец во сезоната, како и 14 настапи во НБА Ол-стар натпреварот. Во текот на својата професионална кариера, Џордан остварил просек од 30,12 поени по натпревар.^[3] Од 2009 година, тој е член на Куќата на славните во Спрингфилд.

НБА статистика на кариерата |

Регуларен дел од сезоната |

Година	Екипа	ОН	СН	МПН	ПШИ	3П%	СФ%	СкПН	АсПН	УТПН	БлПН	ППН
1984-1985	Чикаго	82	82	38.3	.515	.173	.845	6.5	5.9	2.4	.8	28.2
1985-1986	Чикаго	18	7	25.1	.457	.167	.840	3.6	2.9	2.1	1.2	22.7
1986-1987	Чикаго	82	82	40.0	.482	.182	.857	5.2	4.6	2.9	1.5	37.1
1987-1988	Чикаго	82	82	40.4	.535	.132	.841	5.5	5.9	3.2	1.6	35.0
1988-1989	Чикаго	81	81	40.2	.538	.276	.850	8.0	8.0	2.9	.8	32.5
1989-1990	Чикаго	82	82	39.0	.526	.376	.848	6.9	6.3	2.8	.7	33.6
1990-1991†	Чикаго	82	82	37.0	.539	.312	.851	6.0	5.5	2.7	1.0	31.5
1991-1992†	Чикаго	80	80	38.8	.519	.270	.832	6.4	6.1	2.3	.9	30.1
1992-1993†	Чикаго	78	78	39.3	.495	.352	.837	6.7	5.5	2.8	.8	32.6
1993-1994	Чикаго	17	17	39.3	.411	.500	.801	6.9	5.3	1.8	.8	26.9
1994-1995†	Чикаго	82	82	37.7	.495	.427	.834	6.6	4.3	2.2	.5	30.4
1995-1996†	Чикаго	82	82	37.9	.486	.374	.833	5.9	4.3	1.7	.5	29.6
1996-1997†	Чикаго	82	82	38.8	.465	.238	.784	5.8	3.5	1.7	.5	28.7
2001-2002	Вашингтон	60	53	34.9	.416	.189	.790	5.7	5.2	1.4	.4	22.9
2002-2003	Вашингтон	82	67	37.0	.445	.291	.821	6.1	3.8	1.5	.5	20.0
Кариера		1,072	1,039	38.3	.497	.327	.835	6.2	5.3	2.3	.8	30.1
Ол Стар		13	13	29.4	.472	.273	.750	4.7	4.2	2.8	.5	20.2

Плејоф |

Година	Екипа	ОН	СН	МПН	ПШИ	3П%	СФ%	СкПН	АсПН	УТПН	БлПН	ППН
1985	Чикаго	4	4	42.8	.436	.125	.828	5.8	8.5	2.8	1.0	29.3
1986	Чикаго	3	3	45.0	.505	1.000	.872	6.3	5.7	2.3	1.3	43.7
1987	Чикаго	3	3	42.7	.417	.400	.897	7.0	4.7	2.4	1.1	36.3
1988	Чикаго	10	10	42.7	.531	.333	.869	7.1	7.6	2.5	.8	34.8
1989	Чикаго	17	17	41.8	.510	.236	.799	7.0	7.6	1.7	1.8	29.1
1990	Чикаго	16	16	42.1	.514	.320	.836	7.2	6.8	2.8	.9	36.7
1991†	Чикаго	17	17	40.5	.524	.385	.845	6.4	8.4	2.4	1.4	31.1
1992†	Чикаго	22	22	41.8	.499	.386	.857	6.2	5.8	2.0	.7	34.5
1993†	Чикаго	19	19	41.2	.475	.389	.805	6.7	6.0	2.1	.9	35.1
1995	Чикаго	10	10	42.0	.484	.367	.810	6.5	4.5	2.3	1.4	31.5
1996†	Чикаго	18	18	40.7	.459	.403	.818	4.9	4.1	1.8	.3	30.7
1997†	Чикаго	19	19	42.3	.456	.194	.831	7.9	4.8	1.6	.9	31.1
1998†	Чикаго	21	21	41.5	.462	.302	.812	5.1	3.5	1.5	.6	32.4
Кариера		179	179	41.8	.487	.332	.828	6.4	5.7	2.1	.8	33.4

Наводи |

Надворешни врски |

• Мајкл Џордан на basketball-reference